حتوحشيني يا حبيبتي *** والعذاب بعدك حكايـتـي
والـفـراق إنتي طلـبتي *** والطلب معناه نهايـتـي
أيـوة ... حبيتك بـقلبي *** أيوة جوة عيني كنـتـي
وانتي عـارفة إنك إنـتي *** احلى شئ في حياتي كنتي
أعمل إيه لوجتني صورتك *** و اعمل إيه مع ذكريـاتك
غصب عـني شايلهـالك *** و عـلى عيني بعدي عنك
كنت عند حـسن ظـنـك *** كنت عـايز أبقـى جنبك
بس إنتي اخترتي بـعـدك *** و انـا رهن اشـارة منك
تبعـديني ... تقـربيني *** أنـا دايمـاً طوع لأمرك
أحلى أيامي الجـميـلـة *** أحلى أحلامي الجميـلـة
إنتي يا أجمل جـمـيلـة *** بس ما في اليد حيـلـة
حتوحشيني كل لـيـلـة *** والقلوب تصبح عليـلـة
كل لحظة شوق في بعدك *** تكوي قلبي سنين طويلـة
كل الأغـاني حتسمعيهـا *** فيها شيء من حبي ليكي
كل الأحـبة حـتشوفيهـا *** فيـهـا صورة حبي ليكي
كل الأماكن حـتروحيهـا *** فيـهـا ذكرى حبي ليكي
والحياة طول مانـا فيهـا *** تحت امـرك بـين ايديكي
ماتشيليش الـهَـمّ فيهـا *** حبقـى دايـمـاً حواليكي
بـرغم كلّ البُـعـد عنك *** برغم إنك . حتوحشيني
موضوع: حتوحشينى يا حبيبتى 
الإثنين أبريل 28, 2008 10:15 am
